八鍋堂．中日火鍋專門店 (Closed)

三五知己去到旺角兆萬中心搵吓有邊間日式火鍋正，見到門口有個牌寫住日式放題組合加最強火鍋，而且任食價都只係每位$208。火鍋湯底有九款選擇，四格湯底只需要加＄68 就可以享有，當中我最鍾意重慶麻辣湯底，小小辣好滋味。除此之外，仲有多款餐紙分門別類任飲任食，刺身方面中嘅三文魚非常新鮮，食落去好有口感。壽司每一款賣相都非常吸引，師傅精心製造，特別係火炙系列嘅壽司，面頭燒到好香脆，例如左口魚邊壽司，食落去有入口即溶嘅口感。火鍋配料係近門口位置以自助形式拿取，當中有我最鍾意嘅魚腐，放入湯底索晒精華味道食仲正。肉類方面，仲可以用餐紙去叫我最鍾意嘅美國肥牛，驟眼睇牛肉條紋半肥瘦的，肉紋非常平均，而且食落去好香濃嘅牛肉味道，非常新鮮美味。最後食到好飽，呢一餐任飲任食日式火鍋，四個人埋單都只係總共＄900左右，價錢合理，而且食得非常滿足。