流水蝦 (Closed)

流水蝦位於觀塘凱源大廈一樓，任飲任食兩個半鐘，星期一至四折實連加一$279一位，仲有生日優惠四位送一位。職員一黎就幫我哋上咗個海鮮船同埋美國和牛。海鮮船有貝殼、扇貝、鮑魚等，十分豐富。仲附送一打左右椒鹽蝦，現場仲有各類蔬菜、海鮮、肉類、沙律、熟食、炸物、水果🍉甜品🍮等等，超多嘢食！重點係竟然有蠔（不過好搶手，相識嘅朋友要行多幾轉）😍😍重頭戲當然係‘流水蝦🦐’啦，大大隻蝦喺魚缸度，勁生猛，職員會拎一桶冰過嚟，夾起蝦之後再放入冰桶凍暈佢，好快就可以擺落個爐燒🔥總結：食物種類都幾多，同埋可以燒足2.5小時，時間充足，而且地鐵站過嚟都算方便。