Catio (Closed)

來得貓貓Cafe梗係要見到貓貓🫡呢度有好多隻超級親人的貓貓，一入去就見到幾隻喺枱面附近，坐落去都唔會走，所以基本上係同貓貓近距離接觸(⁎⁍̴̛ᴗ⁍̴̛⁎) 下晝嘅時候仲會有貓貓餵食環節，同埋旁邊都會有逗貓棒俾大家拎住同貓貓玩。呢度嘅貓貓都唔驚人同埋可以任摸🤤我嚟呢度work from home 佢哋就喺我部電腦隔離行嚟行去🥹真係超可愛👏🏻講咗咁耐講吓嘢食，叫咗一個冬陰功雞肉意粉，雞肉係雞胸肉感覺好健康。旁邊仲有幾舊蘿蔔同薯仔，再配埋麻醬沙律，成個組合都好清新，另外叫咗桂花茶清熱消脂超正！