「戰斧豬扒」雖然只係買$88 ，但係都係用鐵板上，而且仲一樣會有：餐包、餐湯、薯菜同嘢飲，係價錢同埋份量上面，可以話係真係好抵好抵！
店員上「戰斧豬扒」嘅一刻真係好震撼，個豬扒仲大過個鐵板（可以睇我下面嘅圖片），同時因為太大塊，所以我要郁一郁塊扒，先有空間落啲蒜蓉汁。雖然份量好吸引，不過味道方面就⋯只可以話不過不失啦:)比較適合追求飽肚、同只係想過下鐵板癮嘅朋友。
反而，
佢嘅餐包同埋餐湯，好值得一讚一讚喎！！佢嘅餐包仍然保持好鬆軟（唔係嘉X餐包），而且上到嚟嘅時候，仲有少少微暖，揸嘅牛油融係麵包度，一流！
另外，係下面張相可以見到：佢嘅羅宋湯（紅湯）材料十足！
