台灣館 (Closed)

同屋企人嚟食lunch，先知道原來得寶商場有好多食肆，呢間都幾多人手。滷水拼大碗飯真係超級大碗，有好多餸（雞翼，豬耳，滷豆腐，滷蛋）, 食到好似食極都仲有咁，咁大碗都係$58，好抵呀。啲餸滷得入味，豬耳多豆腐滑。酸菜魚片（$59）每日精選推介中日日都有酸菜魚片，應該係招牌菜之一。魚肉同其他配菜多多（蓮藕,豆芽,雲耳,萵筍,芽菜,芫茜），湯夠酸辣好醒胃，春夏天間中唔開胃時食就啱曬。餐飲要左抹茶珍珠奶茶，唔會太甜，同埋微酸既百香果紅茶，冰涼解渴。