潮州人

Open Now

Now Closed

原來潮州菜唔只係得打冷🤔仲有花膠食？近排見到呢間叫潮州人既米粉專門店係中環有新店，上網search,見原來港島區有分店既，望一望menu，雖然係潮州菜，但無蠔餅，無滷水鵝，無烏頭，但竟然有巨型蔥膠扒同廣島蠔😮我哋試咗佢哋嘅金牌鮑汁花膠雞湯米粉，真係好好味，特別係啲花膠，超大塊！不過雖然話鮑汁，就唔係話食到好濃既鮑汁味，但花膠就夠淋，湯底濃郁，米粉吸晒味。仲有清酒大峴米粉，味道清新，唔油膩，會有淡淡既酒香，d峴算大隻厚肉。呢到仲有潮式海軍大碗飯，真係平時食潮洲菜無食過，有齊蔥酒廣島蠔、海蝦、大峴同蟹籽，份量好足，不過個人比較中意食佢地既米粉。最後，試咗啲潮洲特式小食，醉雞翼、醉蛋、麻辣魚皮，雖然唔知呢d算唔算係潮州菜，不過都好好食。除咗散叫，仲有二人同四人餐，會包埋野飲。店員仲介紹如果中午黎，會有遊戲玩，打爛塊木板就會送碗米粉，叫我地下次再黎幫襯。