就是偏偏喜歡你 (Moved) New Location

食盡銅鑼灣之西式 — 就是偏偏喜歡你————————————————銅鑼灣有好多樓上舖頭都別具特色， 今日經朋友介紹去咗一間超級夢幻少女心， 勁適合打卡仲有得睇兔兔店主嘅樓上西餐廳！ 一入到去就見到門口有一隻肥大嘅兔仔坐咗喺度眼金金咁望住客人啦🤣 見到仲可以畀錢買啲草嚟喂兔仔tim! 店舖無論喺牆身定係天花板都充滿咗繽紛色彩嘅花草，勁靚！🔸 菠菜芝士忌廉意粉呢個意粉顏色同佢嘅牆身一樣咁色彩繽紛🤩， 菠菜同芝士嘅味道好夾， 忌廉汁唔會好結身但係亦都唔會太水狀，而意粉屬於比較偏硬身少少嘅口感，唔錯！🔸 卡邦尼煙肉意粉呢個意粉同菠菜芝士忌廉意粉感覺差唔多， 一樣都係好colorful，係呢到叫lunch set仲會有餐湯送嫁，今日既南瓜忌廉湯亦都好好飲👍Overall comment: 餐廳應該係有得預約位置，當日都見到有人訂咗打卡牆隔離既座位， 呢度嘅佈置真係好有心機，仲有得睇兔仔同喂兔仔嫁！🐇