韓舍 (Closed)

今日約左大胃王朋友晚餐。叫得大胃王就緊係同佢食放題/自助餐最開心喇！咁岩呢度兩樣都滿足到佢！環境幾闊落，唔始終係燒肉放題但唔算太大煙。我地好好彩比人安排左坐望窗的卡位，又有電視睇，幾好。急不及待出去行一個圈拎野食。有一點震驚的感覺，除左燒肉和燒蔬菜外，壽司、刺身(3、4款)、沙律吧、凍蝦、青口、冷麵等等一應俱全，賣相仲唔錯。熟食都唔少選擇：有人蔘雞、串燒、天婦羅、焗薯、咖哩，炒飯，炒烏冬、豬腳薑、炒菜。另外甜品區都有幾款靚靚既蛋糕，泡夫、雪糕、豆腐花、芝麻糊等等，凍櫃都有生果、唔同顏色的奶凍、啫喱咁，好多款式！ 最最最最特別係呢度有自製章魚丸、自制炒雪糕、自製棉花糕同自製焗蛋糕仔，適合一家大細黎食，好過癮。 價錢亦包左飲品：基本上涼茶汽水果汁熱茶都有，不過個人推薦沙冰，好味解渴！ 味道方面：-肉類醃得唔會過鹹，豬頸肉用辣雞翼都好好味。又唔易燶，因為有得自己控制火力。大家記得燒菠蘿，好甜好香的！出面都有生菜比客人拎黎包住D肉食，讚！ -刺身，壽司都新鮮—而且多款，好好彩拎到三文魚腩好肥美！ -熟食：天婦羅都炸得幾脆又唔太油。可以encore-甜品：豆腐花竟然幾滑，啫喱，奶凍同蛋撻都唔錯人