九份•十分 (Closed)

今晚同屋企人去屋企附近呢間台式餐廳食飯，睇睇menu，超多選擇，揭咗好耐先睇哂！好不容易終於點到菜台式鹽酥雞枱面有好多款調味粉可自行調配，令客人可以一次過試匀哂咁多款口味，真貼心！其中我最喜歡嘅就係芝士同梅子味台式烤香腸好有心思，香腸𠝹開咗，放咗蒜片，每一口都有香蒜味道。台灣腸本身都燒得好香，味道香濃，不錯。老虎醬鴨舌鴨舌超肥美，啖啖肉！個醬係微辣，好香，送酒一流萬巒豬手豬手好腍好入味，我地好快就食哂。櫻花蝦高麗菜煎蛋餅比想像中大份，個醬酸酸甜甜好開胃，材料簡單但成個配搭好夾。剁椒蒸比目魚魚肉好滑，唔會太多骨。魚上鋪滿蒜蓉，辣辣地，啱哂我口味。鮮柑桔🍊檸檬🍋由於太多野食，揀咗款清清地嘅飲品，酸酸甜甜，味道ok。