Video
Read full review
2019-07-05
2326 views
舊同學聚會，去到尖東見到有任食火鍋或放題揀，女仕們較喜愛食日本野，就決定去放題了。星期一至四每人$278加一，即係大約三百蚊左右，可以食兩個半鐘，都算唔錯。同一般放題餐廳有d唔同，呢度除左有order紙可以劃之外，亦有唔少野食係自助的，鍾意食幾多就拎幾多，唔駛下下都要劃紙再等咁麻煩，而自助區有我最喜愛嘅日式前菜，除左螺肉、墨魚仔及中華沙律外，仲有海蜇及酸辣鳳爪等等，非常多選擇。海鮮雖然唔算多選擇，有蝦、青口及翡翠螺，每樣都好新鮮。食放題又點可以唔食刺身？呢度嘅刺身有好多款，除左有最普遍嘅三文魚、希靈魚、甜蝦及八爪魚外，仲有較為少見嘅象拔蚌及帶子，每款魚生都係厚切，食落新鮮甜美，我地前後都叫左4-5轉，唯一美中不足嘅係無吞拿魚揀。熟食有各款天婦羅、燒物及一品料理，天婦羅即叫即炸，上檯熱辣辣，外層炸漿夠薄，唔會炸得好乾。清酒煮蜆鮮甜無沙，當中紫菜令湯汁更好味。食到中途，突然聽到店員叫我地出去拎片皮鴨，食日式放題竟然有片皮鴨食？都算相當有驚喜。飲品選擇非常豐富，有糖無糖都有，想飲酒嘅更有清酒及梅酒供應，總有一款岩飲。到最後梗係到甜品時間，餐廳有自製椰汁糕、芒果布甸、木糠布甸等多種選擇，每款都
星期一至四每人$278加一，即係大約三百蚊左右，可以食兩個半鐘，都算唔錯。
同一般放題餐廳有d唔同，呢度除左有order紙可以劃之外，亦有唔少野食係自助的，鍾意食幾多就拎幾多，唔駛下下都要劃紙再等咁麻煩，而自助區有我最喜愛嘅日式前菜，除左螺肉、墨魚仔及中華沙律外，仲有海蜇及酸辣鳳爪等等，非常多選擇。
海鮮雖然唔算多選擇，有蝦、青口及翡翠螺，每樣都好新鮮。
食放題又點可以唔食刺身？呢度嘅刺身有好多款，除左有最普遍嘅三文魚、希靈魚、甜蝦及八爪魚外，仲有較為少見嘅象拔蚌及帶子，每款魚生都係厚切，食落新鮮甜美，我地前後都叫左4-5轉，唯一美中不足嘅係無吞拿魚揀。
熟食有各款天婦羅、燒物及一品料理，天婦羅即叫即炸，上檯熱辣辣，外層炸漿夠薄，唔會炸得好乾。
清酒煮蜆鮮甜無沙，當中紫菜令湯汁更好味。
食到中途，突然聽到店員叫我地出去拎片皮鴨，食日式放題竟然有片皮鴨食？都算相當有驚喜。
飲品選擇非常豐富，有糖無糖都有，想飲酒嘅更有清酒及梅酒供應，總有一款岩飲。
到最後梗係到甜品時間，餐廳有自製椰汁糕、芒果布甸、木糠布甸等多種選擇，每款都細細杯，咁就可以試多幾樣啦。
雪糕有Häagen-Dazs及MOVENPICK揀，仲要係任食添，岩晒一眾女仕。呢度放題嘅食物種類比一般放題餐廳多，計返價錢唔太貴，又可以坐兩個幾鐘，總括黎講算唔錯。
Post
