校長燒肉日韓料理 (觀塘廣場)

Open Now

Now Closed

校長燒肉係好幾個地方都有分店 今日嚟到觀塘分店食燒肉放題 晚市呢度除咗有燒肉之外亦有火鍋同刺身 仲有熟食/點心/炸品/沙律/甜品/水果/壽司等等 不能盡錄 飲品選擇同樣多 除咗有普通紙包同罐裝飲品之登 仲有啤酒任飲添 呢度嘅自助區範圍都幾大 刺身當日試咗牡丹蝦三文魚 牡丹蝦每次限一人拎一隻 我哋仲攞咗幾隻嚟燒 非常鮮甜爽口 蝦頭有汁 好好味燒肉種類非常繁多 例如有豬頸肉/雞翼/牛扒/雞扒/魚柳/豬腩肉等等 我個人尤其推介豬仔骨同牛仔骨 除咗肉類亦有啲蔬果/菇類可以燒 蕃薯仔/杏鮑菇/翠玉瓜/菠蘿係我哋嘅首選 可以中和油膩感火鍋我哋簡簡單單攞嚟煮菜同丸類食熟食當日有碗仔翅/炒青口/辣酒煮花螺/豬紅/炒菜等等 碗仔翅d料都幾多 有素翅木耳肉絲 飲落口感好豐富 炸物有薯條/麥樂雞/芋圓波波/餃子 尤其芋圓波波煙煙靭靭 女朋友好鍾意食甜品除咗有雪糕雪條之外 仲有菠蘿冰/哈密瓜冰/西瓜冰/蛋糕/啫喱同埋大菜糕等等 大菜糕唔會過甜而且既爽口