極尚大瀛喜日本料理

Open Now

Now Closed

今日同幾位朋友一齊去咗食日式放題，呢一間位於旺角地鐵站附近嘅放題原來好高質。星期六夜晚六點，人均$350 ，任食兩個鐘。行入去座位嘅時候已經俾佢隔離嘅飲品櫃，熟食區，甜品區吸引，花多眼亂，勁多選擇。坐低咗之後用QR code落單，首先叫咗第一輪刺身拼盤，每一款刺身都好鮮甜肥美，三文魚仲好厚切，食落啖啖肉，好滿足。手卷方面，佢哋竟然有海膽同埋三文魚子手卷，份量絕對比得唔少，而且質素都好高，好甜，完全唔會有唔新鮮嘅味道。呢間放題仲有好多特色嘅壽司，最近做緊黑魚子限定系列，質素同出邊日式壽司店差唔多，好正。另外仲有勁多款炸物，燒物，小食，煲，乳鴿可以揀，佢哋壽喜燒牛肉煲都好好食，幾片牛肉都大大塊。我哋仲叫咗金沙蝦，泰式奶油蝦，牛舌，燒蠔，燒帶子，每一樣都係新鮮整出嚟，熱辣辣，又好食。