餐廳擺位就正常茶餐廳咁但一打開menu就有驚奇，超級多選擇，小炒、焗飯、咖哩呢啲基本野就一定有啦，估唔到重有西式意粉、日式牛肉飯、鐵板餐、米線、湯飯等。
今次我地就叫咗叉燒大眼仔飯同小菜套餐蜜椒薯仔牛柳粒。
-叉燒大眼仔飯
大眼仔姐係兩隻太陽蛋，送上去黎成碗飯都係熱辣辣，半肥瘦叉燒而且份量夠多
-蜜椒薯仔牛柳粒套餐
套餐跟一碗白飯同例湯，蜜椒薯仔牛柳粒夠獲氣出晒煙，黑椒味夠，牛柳粒同薯仔外皮焦脆，做到外脆內軟
-涼粉紅豆冰/透心菠蘿冰
呢款好懷舊嘅野飲，係出面餐廳已經好難見到，兩款野飲都整得好好飲，涼粉紅豆同菠蘿嘅份量都足夠
