川味香

Open Now

Now Closed

紅磡美食系列 （四）夜晚11點幾，肚餓又口癢時，又唔想煮，最好不過就係叫外賣啦！而家咁多apps， 梗會有一個幫到你。🤣🤣🤣成日經過呢間串燒，成日座無虛席，勁多外賣小哥小姐係度等，所以我就決定叫嚟試吓啦！😀😀😀川味香（紅磡串燒王）紅磡德民街29號德民大廈地下J1號舖秘製麻辣煮花螺咁多樣，我覺得係最好味，麻辣啱啱好，唔會太麻，花螺好爽口，只可惜細粒咗少少。😋😋😋錫紙花甲粉花甲有沙，殼多個肉，初初以為甩咗出嚟，但點知個底都係冇，粉絲就超多，唔夠辣，又冇麻。😲😲😲燒甜玉子燒少少甜甜地，但玉子過熟，有d鞋口。😉😉😉燒紐西蘭羊架好大件，厚身嘅，唔會好騷，只係略嫌乾身少少。😌😌😌鹽燒鯖花魚魚燒得好juicy，但我都係第一次食燒鯖魚有咁多蒜蓉係面，但味道又出奇地夾。😃😃😃阿拉伯羊肉串嘩，呢串真騷到爆，鐘意食羊嘅朋友一定好鐘意，我就接受唔到啦！😓😓😓串燒雞全翼燒得比較乾身，冇乜味同細隻咗少少。😐😐😐燒脆香魚豆腐外脆內軟，呢個又燒得真係唔錯。🙂🙂🙂燒韮菜有一邊身係濃咗，所以食落有d苦。😑😑😑整體嚟講，可能我哋係叫外賣關係，始終可能未及係堂食咁好食，燒物比較乾身，其他都叫中中等等，所以我會再去堂食，比多次