鴻啤啤串燒 (Closed)

收工超級攰，約咗個好朋友去搵吓好嘢食！難得去咗尖沙咀，就梗係要喺尖沙咀搵吓一啲地道啲嘅小店食下好嘢啦😎😊行吓行吓去咗呢一間鴻啤啤串燒！望到呢度嘅食物都好吸引，所以就行咗入去！不得不讚嘅係呢度嘅店員服務非常好，好用心咁介紹呢度嘅菜式同埋推介嘅食物👍🏻👍🏻今次叫咗幾款我自己都好鍾意嘅食物，其中一個就係錫紙花蛤，呢個花蛤一上枱嘅時候好有驚喜，因為我哋都估唔到原來分量咁多，但係都只係$58！而且重點嘅係超級鮮甜！仲要一啲沙都冇，真係每一粒都冇沙，非常乾淨！另外就係我好鍾意食嘅燒火雞腎，同出邊一般嘅雞腎唔同，比較大隻啲同埋真係爽口好多！食串燒當然唔少得嘅就係茄子啦🍆呢個茄子大大條，而且呢度嘅皮唔會燒得好燶！同埋上面嘅醬汁真係好正，超級好味！極度推介大家試吓😎