每次經過佢哋嘅門口，都覺得好吸引，有好多款唔同嘅菜式排列晒出嚟，琳琅滿目
近門口嘅位置，仲有多款唔同嘅魚，好似䱽魚、黃花魚、蒸鱔等等
揀咗四個小菜，其中一款蒸白鱔$68
其餘嗰啲都只係20幾蚊！自己煮都未必咁平！
蒸白鱔
有10+件，都幾厚身👍🏼👍🏼面頭舖滿咗蒜頭，滑溜得黎好惹味
豉椒苦瓜排骨，超正！苦瓜份量好多，令到啲排骨都有淡淡的苦瓜味道，超好餸飯
陳年黑醋一字骨
呢個一字骨食起上嚟幾方便，因為一條骨過。黑醋味道剛剛好，酸酸甜甜，特別開胃
我最鍾意嘅就係呢個蒸蛋，個蒸蛋好滑，亦有蛋味，有少少豬肉碎，同埋皮蛋。皮蛋係粉粉地入口即溶嗰隻，超正！
鍾意飲湯嘅話，加$6就買埋例湯，湯都唔使自己煲啊😎😎木瓜湯，超滋潤
