番本日式放題 (Closed)

食日式放題，我當然是任食刺身壽司為主，今次食番本，真係番本…因為係任食生蠔。入座後，職員先講解點單方法，而飲品甜品及雪糕，都是任取的。而座位好多，每枱都設有火鍋爐。見到㸃單紙就興奮，生蠔每位每次可點3隻。第一轉，先點刺身和生蠔。生蠔都算大隻，味道鮮甜，真係要叫多幾轉。北海燒蠔和芝士蟹子燒帆立貝，勁濃芝士香。鹽燒海老串和鹽燒牛舌，燒到剛剛好，夠晒香口。而日式清酒煮蜆，酒味勁濃，夠哂清香。再食了響螺蟹粥，虎蝦天婦羅，蜆肉麵鼓湯，壽司和小食。服務員服務好，清理檯面食完的碗碟快手，落單快手，上菜又快又冇漏單。