特登走去尖沙咀,為左個$99蚊既炒蟹去試食呢間泰菜。早幾日前係facebook見到有個$99既特價餐 , 一向好食蟹既我見到有咁抵既野緊係去試下啦!location 的確係好正,上到去餐廳地方算幾大下,枱同枱之間夠闊落,座得夠舒服!
$99特價蟹仲可以自選煮法
肉蟹（自選鮮）& 泰皇咖喱煮（自選煮法）- $388原價（特價$99）
愛好咖喱既我一定係選泰皇咖喱煮
一心諗住$99質數一會麻麻地,點知原來係一個超大驚喜!隻蟹超大隻超多肉,蟹鉗又巨又大🥊,當日我地係二人世界,點左食咖喱必叫既蒜蓉包,其實食完隻蟹已經飽左,但因為之前又唔知咁大所以都點左2個泰菜必叫既餸
泰式生蝦刺身 - $128
生蝦賣相已經攞晒分,蝦夠鮮,汁夠濃夠酸辣!
馬拉盞炒通菜 - $80
味道夠鹹香!
整體食物質數水準都好高,價錢好合理,炒蟹假如唔特價都好抵食!下次一定會再嚟,因為下次要食$99蚊大頭蝦😂!
