Video
Read full review
2020-09-13
284 views
石燒牛比人嘅感覺一般都係大油煙食完成身味、或者坐得好焗促匆匆食完就走，但呢一間新開張兩星期嘅石燒牛專門店完全令我改觀！😇🎉見到呢間小店做緊75折優惠，幾十蚊嘅價錢就食到美國入口高質牛扒，大家樂嘅鐵板雜扒餐價錢竟然食到美國高質石燒牛，真係有一剎唔敢相信自己對眼😂🍴原來餐廳係由兩位充滿熱誠嘅年輕人創立嘅！呢度嘅座位非常舒適，座位之間相隔一定距離，空間感十足，唔會令人有壓迫嘅感覺。而且呢度嘅通風系統非常好👍🏻完全唔覺有油煙味。值得一讚嘅係好多細節位睇到店主嘅細心！例如餐廳提供熊寶貝比客人用，食完一噴咩油煙味都冇哂，就可以繼續去行街睇戲啦！此外，呢度亦提供一次性圍裙、膠手套等，令食客可以安心地燒牛肉，唔洗就住就住怕整污糟件衫！呢到嘅新鮮沙律菜🥗、羅宋湯同白飯都係無限任食嫁！另外仲有紫菜提供，用黎送飯增添左一份日式嘅味道！醬汁方面有黑椒汁、燒肉汁同埋配豬扒食嘅豬扒汁、另外亦有多款沙律醬汁提供客人選擇。終於輪到主角石燒牛出場！😋✨美國🇺🇸prime 肩胛肉眼(後) 同埋美國🇺🇸prime封門柳 (前）😍 先將餐廳自家製作嘅蒜茸牛油放上剛燒熱嘅熱石上，再將牛扒放上熱石上燒，發出廿「滋滋聲」感覺好治癒
原來餐廳係由兩位充滿熱誠嘅年輕人創立嘅！呢度嘅座位非常舒適，座位之間相隔一定距離，空間感十足，唔會令人有壓迫嘅感覺。而且呢度嘅通風系統非常好👍🏻完全唔覺有油煙味。
值得一讚嘅係好多細節位睇到店主嘅細心！例如餐廳提供熊寶貝比客人用，食完一噴咩油煙味都冇哂，就可以繼續去行街睇戲啦！此外，呢度亦提供一次性圍裙、膠手套等，令食客可以安心地燒牛肉，唔洗就住就住怕整污糟件衫！
呢到嘅新鮮沙律菜🥗、羅宋湯同白飯都係無限任食嫁！另外仲有紫菜提供，用黎送飯增添左一份日式嘅味道！醬汁方面有黑椒汁、燒肉汁同埋配豬扒食嘅豬扒汁、另外亦有多款沙律醬汁提供客人選擇。
終於輪到主角石燒牛出場！😋✨美國🇺🇸prime 肩胛肉眼(後) 同埋美國🇺🇸prime封門柳 (前）😍 先將餐廳自家製作嘅蒜茸牛油放上剛燒熱嘅熱石上，再將牛扒放上熱石上燒，發出廿「滋滋聲」感覺好治癒！燒到medium熟嘅牛肉表面帶點輕微焦香而肉質保持粉嫩，入口充滿豐厚濃郁嘅牛肉味，大滿足！除左點醬汁之外，灑少少岩鹽黎食都好好味嫁！🧡😍👍🏻👍🏻👍🏻再配埋自家製嘅蜜桃烏龍茶同埋桂花烏龍茶，一解油膩感，絕對係perfect match。
除左主角牛扒之外，我地仲點左藍青口同埋芝麻雞翼✨😆雞翼炸到金黃外脆而且內裡juicy，好正！$20兩隻抵食到爆，必點！👏🏻👏🏻💖
今次邊食邊同店主傾下計，深深感受到兩位店主嘅熱誠，餐廳非常衛生企理乾淨，各方面細節位都睇得出店主非常用心經營。大家日後想食石燒牛嘅話，不坊黎旺角支持下！我本人大力推薦！👏🏻
Post
