food24H-everyday

同朋友去咗試食呢間私房菜，位置係荃灣沙咀道，都算易搵。環境方面實而不華，簡簡單單，但乾淨企理。職員態度親切，有賓至如歸嘅感覺。食物方面，先從賣相講起，每道菜的吸精程度真係唔識點形容。睇得出大廚花咗好多心思去設計菜單同烹調。食材新鮮唔在講，菜式仲好有創意。大大隻長腳蟹兩吃真係好鮮味，份量十足。我最鍾意就係碟菠蘿咕嚕球，從未食過咁非一般嘅咕嚕球，真係無得輸。當大家飽到一個點嘅時候，成盆起砂甜西瓜上枱，真係完美嘅晚餐。8餸一湯真係超值，誠意推介俾大家。