小甜谷 Dessert Kaffee (Closed)

銅鑼灣返工嘅我成日都會係小甜谷食午餐，九龍區朋友一場來到話想食，當然要奉陪啦！平時午餐都冇乜留意主餐牌，今次先知道原來有咁多選擇。淨係套餐都有好多選擇，見到龍蝦二人combo都只係＄298，一於試下。凱薩沙律同平時的凱薩沙律一樣，沙律菜配炸煙肉和香脆麵包，份量十足！龍蝦可選原隻龍蝦尾和黑松露薯條配和牛漢堡扒或豬仔骨，而我地就揀左和牛漢堡。龍蝦尾舖滿芝士，芝士控朋友睇到眼都發光。龍蝦肉質彈牙又鮮味，帶點燒烤香味，超想添食。和牛漢堡扒外層香口，內裡肉質軟又多汁，而且牛味濃郁。但個人比較喜歡原汁原味，燒汁雖然好味但略微搶了和牛風頭！薯條配上我最喜愛的黑松露醬，而且餐廳用料絕不手軟，食到停唔到口。北海道軟殻蟹忌廉蟹肉意粉濃厚的忌廉汁混合了蟹籽，每一啖咬落都有脆卜卜的蟹籽爆開，令意粉增添口感。原隻炸軟殻蟹炸得香脆可口，非常惹味！見到小甜谷新推介抹茶甜品當然要試下！宇治抹茶白玉新地軟雪糕口感軟滑，抹茶味濃，抹茶jelly好滑而且有香濃茶味。我最愛的白玉有三個顏色，賣相吸引可惜不夠煙韌。總括食物和服務也不錯，用料十足，價錢合理。店員也會主動更換餐具，值得一讚！