Fai Gor's Kitchen

話說平日有78蚊下午90分鐘任食點心, 今日見得閒約埋朋友去試下o唔ok.

環境似屋邨嘅舊酒樓, 都算乾淨企理。而且酒樓員工做嘢/ 收碟都爽手.

一嚟就送上半隻燒乳鴿
味道唔錯，唔乾身，仲有肉汁，應該係即炸
炸雲吞好食, 夠脆, 皮薄餡靚
八味脆豆腐外脆內軟

1

山竹牛肉、豬肚燒賣都唔錯
水晶蝦餃皇, 如果對皮要求唔高, 其實都 ok 的
鳳爪就不過不失

流心奶皇包, 必食, 完全驚喜！
杞子圓肉桂花榚, 清甜好味！
叉燒包, 諗住奶皇包好味, 所以試埋叉燒包, 嗯, 都係食多次奶皇包開心 d