Video
Read full review
2021-07-21
542 views
一坐低就有啲口渴，見到枱面有個推廣優惠：like同follow「安平燒肉」嘅社交平台即送一杯「柳橙翠綠」凍飲就即刻follow 左餐廳嘅社交平台。「柳橙翠綠」有橙香，飲一啖個人即刻解曬渴！燒到個人熱熱地，飲番啖即刻暑氣全消又可以繼續燒🤣🙈！一係唔食，一食就要食好d！同朋友一齊嗌左「澳洲M5和牛吃到飽」套餐，呢個餐包81款食物咁多，啱曬鍾意試唔同野食嘅我！😋跟餐送牛舌芯，牛舌就食得多啦，牛舌芯真係第一次食。牛舌芯切成長條形，富口感。一口氣點曬剩係呢個餐先有嘅野食：和牛肩胛肉、安格斯牛小排、屏東燒魚腹、虎蝦、燒帆立貝及雞泡魚干。屏東燒魚腹甜甜地味道似鰻魚，重要冇骨，個人幾鍾意。👍🏻燒帆立貝夠鮮甜，加左牛油，入口好香～雞泡魚干燒過好香，微脆又甜甜地，可以點少少酸沙律醬食，更滋味。燒肉店唔係剩係得燒肉好食架，「櫻花蝦乾拌手工麵」都唔錯👍🏻，推薦。手工麵果然係唔同啲，薄得黎有口感😍。絲瓜煮蜆蜆味道清甜，絲瓜爽脆。此香腸不同彼香腸，講緊「墨魚香腸」呀！「墨魚香腸」粗身食落彈牙。見有個台灣小枕頭(麻糬)好似幾得意就嗌個試下，輕輕燒一燒食落口感煙煙韌韌，本身冇味，要點埋啲煉奶一齊食先得。食完牛想食吓豬
一坐低就有啲口渴，見到枱面有個推廣優惠：like同follow「安平燒肉」嘅社交平台即送一杯「柳橙翠綠」凍飲就即刻follow 左餐廳嘅社交平台。
「柳橙翠綠」有橙香，飲一啖個人即刻解曬渴！燒到個人熱熱地，飲番啖即刻暑氣全消又可以繼續燒🤣🙈！
一係唔食，一食就要食好d！同朋友一齊嗌左「澳洲M5和牛吃到飽」套餐，呢個餐包81款食物咁多，啱曬鍾意試唔同野食嘅我！😋
跟餐送牛舌芯，牛舌就食得多啦，牛舌芯真係第一次食。牛舌芯切成長條形，富口感。
一口氣點曬剩係呢個餐先有嘅野食：
和牛肩胛肉、安格斯牛小排、屏東燒魚腹、虎蝦、
燒帆立貝及雞泡魚干。屏東燒魚腹甜甜地味道似鰻魚，重要冇骨，個人幾鍾意。👍🏻
燒帆立貝夠鮮甜，加左牛油，入口好香～
雞泡魚干燒過好香，微脆又甜甜地，可以點少少酸沙律醬食，更滋味。
燒肉店唔係剩係得燒肉好食架，「櫻花蝦乾拌手工麵」都唔錯👍🏻，推薦。手工麵果然係唔同啲，薄得黎有口感😍。
絲瓜煮蜆蜆味道清甜，絲瓜爽脆。
此香腸不同彼香腸，講緊「墨魚香腸」呀！「墨魚香腸」粗身食落彈牙。
見有個台灣小枕頭(麻糬)好似幾得意就嗌個試下，輕輕燒一燒食落口感煙煙韌韌，本身冇味，要點埋啲煉奶一齊食先得。
食完牛想食吓豬。點左個原住民鹽燒肉。雖然睇落好多肥膏，但係食落幾好食🙈。旁邊嘅醬汁帶微甜，點埋醬汁食仲好味！
除咗Scan QR code落單之外仲可以自己出去攞菜同埋飲品。
記得食埋甜品先走呀！我嗌左個「檸檬愛玉」。除左愛玉，入面重有珍珠、菠蘿粒同埋蒟蒻條，珍珠唔會硬，Q彈煙韌，咁多配料食落口感超豐富！😍
整體來講呢間餐廳啲肉類質素都幾高，肉質食落有口感。食物嘅款式種類選擇多，唔單止有肉、海鮮，重有台式地道小食同主食。不過兩個鐘試唔曬咁多野食😭，下次要再黎過先得！
Post
