江浙滬 (堪富利士道) (Closed)

平時在尖沙咀都會路過堪富利士道，不過好少留意到有上海菜館，但今次經過見到門口好耀眼，之後過去望下餐牌，原來這間店都係開左一個月左右，有攞傳單的話仲有九折添。我同老婆都好耐沒有食過上海菜喇，到最後決定去試下。坐底之後這間店舖好有中國風，環境都不錯。【招牌鮮肉小籠包】$42這個小籠包比想像中出色，皮非常之薄，內餡多汁，滿滿的湯非常鮮甜，令我忍不住好快食完這個小籠湯包。(見意不要放太久)，熱辣辣的湯汁，真係好正。值得推介!!【上海粗炒 】$68好有鑊氣，顏色方面令每條麵條上色得好均勻，又夠彈牙又好煙靭，而且配菜都唔少，份量好多。它的味道令我回想起好久之前的上海菜的味道。再三推介!!【豆沙窩餅】$36蛋味好香，脆脆的表皮，再配埋不會很甜的豆沙反而好得。【凍豆漿】豆味好香，又不會太甜，不錯。