同男朋友又去搵食，又想食日本嘢。
所以就跟住推介嚟到呢到，樓上舖人少少環境都不錯。
因為諗唔到叫咩食，就跟住推介叫左極上二人餐。($388)
二人餐跟左兩杯飲品，我地都叫左巨峰提子特飲，但是我地都比較中意佢地既茶，因為有啲桃味，好特別。
二色刺身
吞拿魚不是說特別好味(我不是特別喜歡食)，但是三文魚很新鮮，最喜歡肥美的三文魚，油脂在口中溶化的感覺很正！
麵鼓湯
其實平時我唔係幾中意飲麵鼓湯，但呢個麵鼓湯又唔錯喎，唔會太咸！
和風有機沙律
啲菜幾fresh，不過我唔係幾中意個汁，有啲似鼓油味，如果換成日式芝麻醬就正好多。
軟殻蟹卷
每人得二件食完好似唔夠喉甘，不過雖然得四件，但係個軟殻蟹又炸得唔錯既。
香燈焗銀雪魚
其實成餐飯，我覺得最特別係呢個菜式。銀雪魚係最底，面頭舖上左香燈。本身以為味道會好怪，但其實幾好食！
什錦天婦羅
一共有四樣嘢: 有兩隻蝦、南瓜和茄子。兩隻蝦都有整隻手掌般長，蝦肉又甜又脆，炸漿不會太厚身，再配上天婦羅汁，正！
香蒜一口牛柳粒
最怕食到一口牛柳粒似係香口膠甘，但呢個炒得好香之餘又唔會過火，必叫！
終於上最後一樣嘢，就係炒飯拉。
就甘睇無乜特別，但係最like佢炒得粒粒分別夠鑊氣！
總括嚟講，係尖沙咀用呢個價食到甘大份既二人餐真係超值之選，不錯喔！而家晚市正價食品又有85折，抵丫！
