Video
Read full review
2017-12-04
610 views
餐廳喺尖沙咀天文臺圍，唔熟路嘅都要搵一搵地圖，但Google map顯示嘅地址係搬遷前喺諾士佛臺嘅地址，好在諾士佛臺行過去只需3分鐘，所以問題不太。去到天文臺圍好容易就搵到，門頂排滿日式紙燈籠，門係幾sharp嘅橙紅色，而且舖位大，夠晒顯眼。室內就係純日式裝潢，掛咗好多日式紙燈籠同旗幡，仲播住節奏明快嘅日本流行曲，環境氣氛都好配合食浜燒。餐廳不時會推出啲優惠，我地去嗰陣就係雞類串燒買一送一，真係抵到爛。我地就叫咗【雞翅串$28】同【雞腿串$28】各一串，買一送一即係$56 total有4串，呢個價出街邊食都未必得。雞肉都係鮮嫩多汁，當中雞翅就燒到皮脆肉嫩，但我都係鍾意雞腿串多啲，因為冇骨啖啖肉，食落好滿足~【人氣蟹味噌甲羅燒$68/客】我好鍾意食蟹，所以每次食浜燒我都一定會食甲羅燒。甲羅燒有蟹羔、鮮蟹肉、蟹籽、香蔥同生鵪鶉蛋。店員會擺上爐燒，一邊燒一邊攪拌，香味四溢。每客會送兩塊米通，店員亦會稍為燒一燒啲米通，令佢更溫熱鬆脆。蟹羔味道鹹淡適中，真係食到鮮味，落咗生鵪鶉蛋令蟹羔更香滑。可以用匙羹將蟹羔鋪晒上件米通再食，別有一番風味。【人氣漁獲海鮮炒飯$98】海鮮主要有蟹肉、蟹籽同埋帆立貝
去到天文臺圍好容易就搵到，門頂排滿日式紙燈籠，門係幾sharp嘅橙紅色，而且舖位大，夠晒顯眼。
室內就係純日式裝潢，掛咗好多日式紙燈籠同旗幡，仲播住節奏明快嘅日本流行曲，環境氣氛都好配合食浜燒。
餐廳不時會推出啲優惠，我地去嗰陣就係雞類串燒買一送一，真係抵到爛。我地就叫咗【雞翅串$28】同【雞腿串$28】各一串，買一送一即係$56 total有4串，呢個價出街邊食都未必得。雞肉都係鮮嫩多汁，當中雞翅就燒到皮脆肉嫩，但我都係鍾意雞腿串多啲，因為冇骨啖啖肉，食落好滿足~
【人氣蟹味噌甲羅燒$68/客】我好鍾意食蟹，所以每次食浜燒我都一定會食甲羅燒。甲羅燒有蟹羔、鮮蟹肉、蟹籽、香蔥同生鵪鶉蛋。
店員會擺上爐燒，一邊燒一邊攪拌，香味四溢。
每客會送兩塊米通，店員亦會稍為燒一燒啲米通，令佢更溫熱鬆脆。
蟹羔味道鹹淡適中，真係食到鮮味，落咗生鵪鶉蛋令蟹羔更香滑。可以用匙羹將蟹羔鋪晒上件米通再食，別有一番風味。
【人氣漁獲海鮮炒飯$98】海鮮主要有蟹肉、蟹籽同埋帆立貝。帆立貝相當大粒，飯本身炒得乾身唔會油淋淋，而且份量都幾多。秋天涼涼地，食返個溫熱嘅澱粉質都唔錯。
【霧島流心玉子釀免治雞柳$38】同時有雞蛋同雞肉，都算係一個「親子」組合 。免治雞柳口感彈牙，蛋汁超多滑捋捋，同免治雞柳一齊食，蛋香好夾啲雞柳。
【三文魚壽司$12X4】三文魚切得較薄，食落亦唔算肥美，一般般。
【札幌筒魷魚$88】原隻上，但唔知點解冇即席燒，上到枱只係微暖，好在魷魚係新鮮而且醬燒出嚟甜得惹味。
【Crimson Glory Grape 果汁燒酎汽酒$45】食燒烤飲酒是常識吧。提子味同酒味平衡，算係幾清新又易入口嘅酒類飲品，飲落又凍又有汽，爽。
一手赤蝦 - 喺度食滿$600 (計埋加一後)，就可以參加「一手赤蝦」活動。
店員會攞一盤蝦出嚟，我地就用手喺盤入面「揦返拃蝦」，攞到幾多，餐廳就免費送幾多。我地就攞到八大隻，yeah!!!
可以選擇將攞到嘅蝦做刺身或者燒烤，我地就兩樣方法都食吓。
店員將蝦放喺個爐再用噴火槍燒，燒出嚟係好新鮮，好juicy，蝦味好濃郁而且非常惹味。
至於刺身亦唔係攞完蝦之後就即刻剝殼食，店員會拎去俾料理師傅處理好先上枱。食落鮮甜味濃厚，黏黏口感再蘸吓wasabi醬油，口感味道都一流。
全晚我覺得一手赤蝦最超值，大隻好味又免費，一定係必玩遊戲!!單點$78四隻，我哋點都要食夠$600玩一次，揦到八隻喎，都百幾蚊啦。有趣又咁優惠，問題係︰你隻手有多大!?
Post
