Video
Read full review
2021-10-15
153 views
大角咀真係好多低調嘅小店，今次就嚟試一試勁多人推薦嘅台式小店，12點幾到已經勁多人排隊🤣果然係名不虛傳~店舖門口有長櫈坐，店員會比menu睇住先，等咗大概廿分鐘就入得。🍴那個滷排骨便當 $66 (跟餐有16oz一杯高山茶，可加錢轉其他飲品)排骨超大塊，大過手掌，第一次食滷排骨，一次就愛上🥰 排骨肉質鬆軟，係有肉汁，一啲都唔乾！炸過嘅排骨有油香但唔油膩，加上甜甜哋嘅滷汁，真係勁好食😆飯量都幾多，配菜好豐富，有白菜，粉絲，玉子，素豆腐，好似食餸多過食飯咁🤣每樣都好高質，feel好有心思整每樣嘅配菜，好有家庭式媽媽比嘅分量同感覺💗🍴香酥脆雞便當 $64有三種味道，分別係鹽酥，海苔同香辣，朋友揀咗鹽酥。有三大件，食落超級香脆，雞肉好嫩有肉汁，鹽酥味香而唔鹹，個味好出，超好食！🧋蜂蜜麻糬白玉奶茶 少甜少冰 (+$12) 好少見到有麻糬白玉奶茶，係茉莉奶綠嚟嘅，蜂蜜味香甜，少甜都有啲甜，不過係蜜糖嘅甜味唔會好假，麻糬白玉超煙韌，好好咬口😆推薦指數: 10/10CP值極高，每樣野都好好食，真心一定要去食，食過一次會上癮😆
🍴那個滷排骨便當 $66 (跟餐有16oz一杯高山茶，可加錢轉其他飲品)
排骨超大塊，大過手掌，第一次食滷排骨，一次就愛上🥰 排骨肉質鬆軟，係有肉汁，一啲都唔乾！炸過嘅排骨有油香但唔油膩，加上甜甜哋嘅滷汁，真係勁好食😆
飯量都幾多，配菜好豐富，有白菜，粉絲，玉子，素豆腐，好似食餸多過食飯咁🤣每樣都好高質，feel好有心思整每樣嘅配菜，好有家庭式媽媽比嘅分量同感覺💗
🍴香酥脆雞便當 $64
有三種味道，分別係鹽酥，海苔同香辣，朋友揀咗鹽酥。有三大件，食落超級香脆，雞肉好嫩有肉汁，鹽酥味香而唔鹹，個味好出，超好食！
🧋蜂蜜麻糬白玉奶茶 少甜少冰 (+$12)
好少見到有麻糬白玉奶茶，係茉莉奶綠嚟嘅，蜂蜜味香甜，少甜都有啲甜，不過係蜜糖嘅甜味唔會好假，麻糬白玉超煙韌，好好咬口😆
推薦指數: 10/10
CP值極高，每樣野都好好食，真心一定要去食，食過一次會上癮😆
Post
