閒日晚上都唔少人，美麗華店裝修幾靚，環境舒適，枱凳又夠闊落，坐得非常舒適。
Double Decker 雙層牛肉芝士漢堡 （$145）：漢堡非常大堆頭，適合二人分享，餐廳會預先切開，方便享用。
牛肉極厚，鬆軟且Juicy多汁，味道方面，牛味濃郁突出，非常高質，漢堡包又夠香脆。另外，加左唔少芝士及千島醬，仲有蕃茄同生菜，層次相當豐富，非常好味！
牛油果醬芝士焗薯條（$68）：採用我最喜愛嘅粗薯條，薯味更為突出。薯條焗得香脆，芝士份量十足，非常惹味，牛油果醬creamy得黎又夠香，兩者非常融合，幾好食。
Americano 美式咖啡（$38）：採用意大利illy咖啡豆，質素絕對有保證，喜歡濃啲嘅，可以好似我咁要求加少啲水，Intensity更高，Aroma濃郁，Aftertaste更為強烈。
以下係餐牌資料：
