Video
Read full review
2022-12-13
2223 views
難得平日有假放，老公發現呢間餐廳做緊感謝祭，最平$398就有齊海鮮、肉類嘅鐵板燒！👍🏻大感謝祭.鐵板燒套餐▫️前菜、沙律漬物清新開胃、慢煮雞胸沙律健康得來，肉質好嫩，特別喜歡再加上有藜麥更加有口感。▫️刺身三款油甘魚、帆立貝、吞拿魚三款相當新鮮。先品嚐油甘魚，入口爽嫩，帆立貝絕對係驚為天人嘅清甜，好滑身，吞拿魚魚味最重，色澤深紅，應該放在最後的位置品嚐！▫️南非鮑魚活鮑魚上枱，仲見到佢生生猛猛咁郁緊，師傅燒嘅火候果然準確，鮑魚冇落過多嘅調味，但係極具鮮甜，口感爽彈至極！鮑魚分成三片，建議第一片先用原味品嚐，第二片可以沾上岩鹽，最後一片可以點上海鮮汁，味道帶少少辛口，三種層次嘅味蕾享受▫️大海老師傅可以做到凌空挑蝦腸，完全係顯功夫。蝦肉好巨型，肉質實淨得來非常爽口，鮮甜無比，配上自家調製嘅蝦汁，濃郁萬分。▫️白鱈魚魚質極為白嫩，表面煎至香脆金黃、肉質淡甜，魚味頗出。面頭有自家製嘅蒜蓉牛油醬，完全係絕配！▫️法國鵝肝超厚嘅一片鵝肝，油滋爆棚，入口即溶，豐腴油潤，以漢堡包嘅食法最為合適。▫️A5和牛厚燒海鮮已經極之出色，誰不知肉類亦不遜息，和牛解凍得剛好，肉質燒完依然保持粉嫩，食落既有肉味又夠軟淋！▫️澳洲
難得平日有假放，老公發現呢間餐廳做緊感謝祭，最平$398就有齊海鮮、肉類嘅鐵板燒！
👍🏻大感謝祭.鐵板燒套餐
▫️前菜、沙律
漬物清新開胃、慢煮雞胸沙律健康得來，肉質好嫩，特別喜歡再加上有藜麥更加有口感。
▫️刺身三款
油甘魚、帆立貝、吞拿魚三款相當新鮮。先品嚐油甘魚，入口爽嫩，帆立貝絕對係驚為天人嘅清甜，好滑身，吞拿魚魚味最重，色澤深紅，應該放在最後的位置品嚐！
▫️南非鮑魚
活鮑魚上枱，仲見到佢生生猛猛咁郁緊，師傅燒嘅火候果然準確，鮑魚冇落過多嘅調味，但係極具鮮甜，口感爽彈至極！鮑魚分成三片，建議第一片先用原味品嚐，第二片可以沾上岩鹽，最後一片可以點上海鮮汁，味道帶少少辛口，三種層次嘅味蕾享受
▫️大海老
師傅可以做到凌空挑蝦腸，完全係顯功夫。蝦肉好巨型，肉質實淨得來非常爽口，鮮甜無比，配上自家調製嘅蝦汁，濃郁萬分。
▫️白鱈魚
魚質極為白嫩，表面煎至香脆金黃、肉質淡甜，魚味頗出。面頭有自家製嘅蒜蓉牛油醬，完全係絕配！
▫️法國鵝肝
超厚嘅一片鵝肝，油滋爆棚，入口即溶，豐腴油潤，以漢堡包嘅食法最為合適。
▫️A5和牛厚燒
海鮮已經極之出色，誰不知肉類亦不遜息，和牛解凍得剛好，肉質燒完依然保持粉嫩，食落既有肉味又夠軟淋！
▫️澳洲和牛薄燒
屬M9之等級、驟眼睇油脂分布，夾有蒜片同蔥花粒，食落香口，底部放有板神麵包吸吸油。
▫️炒飯
神級嘅好食，米飯炒得粒粒分明，鹹香度足夠，色澤七彩繽紛！
▫️焦糖麵包
師傅用咗板神麵包整左個招牌焦糖麵包俾我哋試吓！真係嘩一聲，口感超級香脆，牛油味勁香！！
💡套餐跟有麵豉湯、漬物、甜品或者熱咖啡。
👍🏻👍🏻一入到餐廳就感受到箇中氣派，對待每一個客人都非常有禮，空間寬敞高貴。
Post
