Ramen Iroha

晴晴最近開始迷上KUROMI，特別係薰衣草紫色嘅KUROMI，真係超靚超可愛😍 媽媽知道銅鑼灣富山麵家已經搖身一變成KUROMI主題拉麵店，推出多款KUROMI美食，梗係要帶晴晴去朝聖打卡食好嘢😎 我哋仲好貪心叫咗好多嘢食😆

特製黑咖喱撈麵 - 經典黑色KUROMI造型，黑咖喱撈麵加埋紫菜碎、薯仔、叉燒粒，味道好特別。

特製牛奶拉麵 - KUROMI造型魚旦非常可愛，牛奶湯頭濃郁，晴晴最鍾意。

明太子章魚燒 - 外層酥脆，內裡鬆軟，每一啖都令人回味無窮。冇諗過拉麵店嘅章魚燒竟然咁好味😂

紫薯味蒸包 - 造型超可愛，小朋友最鍾意❤️

特製蝶豆花啫喱梳打及特製荔枝啫喱梳打 - 兩款梳打超解渴，配上冰涼甜甜的啫喱，非常特別。

呢度真係好啱鍾意打卡嘅媽媽帶埋小朋友一齊嚟😊