Video
Read full review
2020-02-25
62 views
K11 Musea呢個新商場集購物同藝術於一身，甫入商場就好似走進另一個世界，呢間藝術咖啡館就隱藏於B1層，門口擺放左大大棵村上隆花花，低調得來又搶眼！Piccolo短笛咖啡，晚飯想飲杯咖啡，但係又怕飲得太多會瞓唔着， 呢杯小拿鐵就啱晒。咖啡香氣四溢，加埋打過奶泡既熱牛奶，比例剛好！波隆那肉醬通心粉- 長長嘅通粉佈滿肉醬，放入口中，唔只係通粉嘅面頭，就算係通粉中心都全部fill滿肉醬，食到濃濃嘅肉香味，蕃茄嘅酸味幫助中和咗肉醬嘅膩。紅色嘅肉醬同灰色嘅碟形成強烈對比，顏色鮮明。招牌莎美樂腸Pizza- Pizza係薄脆嘅餅底，上面鋪滿莎美樂腸，鹹鹹香香，非常惹味，最過癮就係佢個脆邊，食落帶點酥脆，係我鐘意既style!海鹽朱古力香蕉冰雪世界- 俾個名吸引左，黎到肥嘟嘟嘅杯上面有幾粒微焦嘅棉花糖，如果你鍾意飲奶味豐富嘅朱古力嘅話，呢一款就啱晒你。小小嘅海鹽再加上杯底既香蕉，唔同嘅味道喺口腔混和，層次分明得來亦都好夾！Tiramisu- 份量都有返咁上下，傳統嘅做法，浸過咖啡同埋冧酒嘅手指餅，再加上Marscapone Cheese，一層又一層，又香又滑，在晚飯畫上完美句號！呢度擺放左唔同藝
Piccolo短笛咖啡，晚飯想飲杯咖啡，但係又怕飲得太多會瞓唔着， 呢杯小拿鐵就啱晒。咖啡香氣四溢，加埋打過奶泡既熱牛奶，比例剛好！
波隆那肉醬通心粉- 長長嘅通粉佈滿肉醬，放入口中，唔只係通粉嘅面頭，就算係通粉中心都全部fill滿肉醬，食到濃濃嘅肉香味，蕃茄嘅酸味幫助中和咗肉醬嘅膩。紅色嘅肉醬同灰色嘅碟形成強烈對比，顏色鮮明。
招牌莎美樂腸Pizza- Pizza係薄脆嘅餅底，上面鋪滿莎美樂腸，鹹鹹香香，非常惹味，最過癮就係佢個脆邊，食落帶點酥脆，係我鐘意既style!
海鹽朱古力香蕉冰雪世界- 俾個名吸引左，黎到肥嘟嘟嘅杯上面有幾粒微焦嘅棉花糖，如果你鍾意飲奶味豐富嘅朱古力嘅話，呢一款就啱晒你。小小嘅海鹽再加上杯底既香蕉，唔同嘅味道喺口腔混和，層次分明得來亦都好夾！
Tiramisu- 份量都有返咁上下，傳統嘅做法，浸過咖啡同埋冧酒嘅手指餅，再加上Marscapone Cheese，一層又一層，又香又滑，在晚飯畫上完美句號！
呢度擺放左唔同藝術家嘅作品，可以邊食邊欣賞，鍾意嘅仲可以買返屋企，係黎K11打卡必到嘅地方！
Post
