走過十萬八千里找到你

Open Now

Now Closed

Bookmark咗哩間人氣餐廳好耐，今次終於可以黎打卡。餐廳用幹花佈置天頂，入黎好似入咗花園咁，好靚。晚市提供唔少嘢食，有意粉，義大利飯同主菜，加55HKD仲可以跟餐湯，餐包同60HKD以下啲飲品。餐湯同餐包好快黎咗，餐湯係用貓爪馬克杯裝住，好得意。今日餐湯係蘑菇忌廉湯，飲落蘑菇味好重，唔錯。餐包送上來仲熱笠笠，搭配湯一齊食唔錯。熱玫瑰鮮奶咖啡，飲落玫瑰味好濃，同咖啡balance得幾好，好飲。凍柚香鳳梨檸檬蘇打，落咗柚子蜜，鳳梨果汁同檸檬汁，飲落酸酸甜甜，唔錯。日本原條鰻魚義大利飯，哩份義大利飯真係不得了，係用咗成條鰻魚。鰻魚燒得啱啱好，鰻魚肉好厚身食落好肥美。義大利飯仲加咗好多柴魚花同蘑菇，撈埋鰻魚醬一齊食，好滿足。鮑汁磯燒鮑魚扁意粉，鮑魚處理得好乾淨，食落好新鮮彈牙。鮑汁同意粉都好夾，每一啖意粉都帶埋醬汁，好味。今次未夠時間食埋啲甜品，下次一定要encore！