Video
Read full review
2021-03-28
273 views
中環小巷中的🫖𝐓𝐫𝐨𝐢𝐬 𝐂𝐚𝐟𝐞🫖餐廳裝潢簡約，走懷舊工業風，有一幅逾百年嘅磚牆。空間唔算太大，設有吧枱、高枱、sofa位，部分嘅枱偏細張，未必擺放到太多食物。Cafe採用左開放式廚房，吧枱位就可以欣賞到廚師既手藝，當日仲見到店員搓麵團！▪️𝘼𝙫𝙤𝙘𝙖𝙙𝙤 𝙀𝙚𝙡 𝙎𝙤𝙪𝙧𝙙𝙤𝙪𝙜𝙝 𝙇𝙤𝙖𝙛 $98鰻魚 x 牛油果 x 酸種麵包 好fusion嘅配搭呢~酸種包底面都經烘過，外皮香脆，內裡軟熟帶些微煙韌既口感。幾欣賞嗰酸種包keep到香脆，不過就無我最鍾意嘅酸味。鰻魚肥美，肉質較為紮實，肥膏位Q彈 (但個人比較鍾意軟嫩嘅鰻魚) 。最頂層既housemade black truffle egg salad，黑松露味雖然唔岀，但加有粒粒生洋蔥同菇，亦帶淡淡黑椒香，配上軟滑嘅牛油果同甜甜地嘅鰻魚汁，整個入口濕潤，一啲都唔單調！▪️𝘾𝙪𝙧𝙧𝙮 & 𝙎𝙖𝙡𝙨𝙖 𝙈𝙞𝙣𝙞 𝘽𝙖𝙤 $52Mini Bao 系列 ~ 可以揀配迷你牛角包或炸饅頭。超鍾意食炸饅頭既我 諗都唔洗諗就揀左炸饅頭！炸饅頭外層酥脆，內𥚃鬆軟濕潤帶奶香。咖哩豬頸肉沙沙 ~ 豬頸肉爽彈入味，陣陣咖哩香。配搭埋酸甜爽口嘅青椒紅椒，好有泰
餐廳裝潢簡約，走懷舊工業風，有一幅逾百年嘅磚牆。空間唔算太大，設有吧枱、高枱、sofa位，部分嘅枱偏細張，未必擺放到太多食物。
Cafe採用左開放式廚房，吧枱位就可以欣賞到廚師既手藝，當日仲見到店員搓麵團！
▪️𝘼𝙫𝙤𝙘𝙖𝙙𝙤 𝙀𝙚𝙡 𝙎𝙤𝙪𝙧𝙙𝙤𝙪𝙜𝙝 𝙇𝙤𝙖𝙛 $98
鰻魚 x 牛油果 x 酸種麵包 好fusion嘅配搭呢~
酸種包底面都經烘過，外皮香脆，內裡軟熟帶些微煙韌既口感。幾欣賞嗰酸種包keep到香脆，不過就無我最鍾意嘅酸味。鰻魚肥美，肉質較為紮實，肥膏位Q彈 (但個人比較鍾意軟嫩嘅鰻魚) 。最頂層既housemade black truffle egg salad，黑松露味雖然唔岀，但加有粒粒生洋蔥同菇，亦帶淡淡黑椒香，配上軟滑嘅牛油果同甜甜地嘅鰻魚汁，整個入口濕潤，一啲都唔單調！
▪️𝘾𝙪𝙧𝙧𝙮 & 𝙎𝙖𝙡𝙨𝙖 𝙈𝙞𝙣𝙞 𝘽𝙖𝙤 $52
Mini Bao 系列 ~ 可以揀配迷你牛角包或炸饅頭。超鍾意食炸饅頭既我 諗都唔洗諗就揀左炸饅頭！炸饅頭外層酥脆，內𥚃鬆軟濕潤帶奶香。咖哩豬頸肉沙沙 ~ 豬頸肉爽彈入味，陣陣咖哩香。配搭埋酸甜爽口嘅青椒紅椒，好有泰式既感覺。講明Mini，份量當然比一般嘅細，下午茶嚟食下都唔錯。
▪️𝙃𝙤𝙪𝙨𝙚-𝙢𝙖𝙙𝙚 𝙋𝙖𝙣𝙘𝙖𝙠𝙚 - 𝙨𝙬𝙚𝙚𝙩 $80
三層厚嘅班㦸，頂層有一大球大紅袍雪糕，旁邊舖滿士多啤梨。好鍾意嗰大紅袍雪糕，濃茶香，卻毫不苦澀。帶冰感，甜度低，可中和班㦸既甜膩感。不過班㦸就同想像中有啲岀入，質地軟腍，蛋香偏淡，但勝在即叫即製熱辣辣，同雪糕一齊食 有冷熱交融既感覺。
▪️𝘿𝙖𝙧𝙠 𝙃𝙪𝙢𝙤𝙪𝙧 $45
黑芝麻竹炭拿鐵，入口滿滿芝麻味，好smooth，甜度恰到好處，芝麻唔會被奶香蓋過。旁邊仲配左自家製香甜酥脆既核桃。
▪️𝙊𝙧𝙞𝙚𝙣𝙩𝙖𝙡 𝘽𝙚𝙖𝙪𝙩𝙮 $100
估唔到係cafe都可以品茶，沖茶過程講究，店員非常有耐性地講解。每次只用熱水泡30秒，就可以泡岀清幽嘅東方美人，同時避免茶嘅苦澀。呢個份量嘅茶葉沖到七至八次，好抵飲，好啱大家坐低慢慢嘆~⠀
整體而言，酸種包同mini bao味道都唔錯！cafe仲不設入座時限，幾適合帶電腦嚟做嘢~ 不過環境就唔算特別靚特別舒服。
Post
