譚仔雲南米線 (安年大廈)

Open Now

Now Closed

想食米線就黎左嘅間譚仔，用了白色牆身，木枱木凳，裝飾有點潮味。一坐低，店員火速遞上餐牌，嘩嘩嘩，譚仔有西式早餐食！茄汁豆炒蛋配多士，咩料呀？哈，有趣，不過我估就算我想食西早，都唔會黎譚仔囉。叫左一碗過橋米線小酸辣，凍檸茶，同細土匪雞翼。大大碗上，但米線同配料都比以前少左，酸辣湯底唔酸又唔辣，可以講話無味。腩肉成塊都係肥膏，薄切又無味，墨丸不再爽口已變得粉頭，酸菜一味死酸，仲係化學味個種，炸醬超甜唔知搞乜。唯一無變嘅係檸茶，正常味。土匪雞翼賣相好，但味道就…好重味精，又韌又老，食唔落口。明明同隔離枱分開落單，唔知點解都係出埋一條單，一班阿姐用鄉音嘈起咬上黎，當我地班食客死嘅。我真係味食過咁難食嘅譚仔，呢間分店無下次了。