巴打麻辣燙 (Closed)

巴打開嘅時候已經係二月頭 當時仲係試業階段，卡片都未有 打唔到食評 但係BI對佢果個清得黎，又夠曬味嘅麻辣湯底一試難忘！ 首先講講佢個裝潢，如果睇唔到個放滿配料嘅雪柜 會以為佢係café 因為唔單止招牌用上清新嘅綠草 裡面無論燈飾同牆身都用左綠草裝飾 加埋木臺木凳，小清新感覺出曬黎！ 配料擺放整齊乾淨，易散嘅配料例如豆腐 就另外用碟仔放好 比人感覺都幾細心，亦較企理 配料無咩特別，都係一般薯仔，腸仔，蟹柳。 麺呢就無米線揀，呢樣就爭D 客人選擇好就交比櫃檯煮︐比錢嘅時候就可以揀埋辣度。 BI揀左粉絲︑豬紅︑魷魚︑金菇 (小小辣）湯底望落幾清，但食落好惹味 又唔會麻得過分，食到你個嘴麻痺曬 D配料就無特別 自己揀鐘意嘅野就可以了粉絲吸曬湯底，叫小小辣就岩曬我呢D想食到個種味道，而又唔可以食得太辣嘅人食完唔會太口渴 唔使逼住要叫汽水飲坐得舒服 味道好嘅新派麻辣燙值得再黎