Video
Read full review
2016-02-19
3650 views
Run,Forrest,run!!I ran to get where I was going, I never thought it would take me anywhere. 冇想過用跑步，都可以去走遍世界。生日最大嘅願望，我就想同最愛嘅一齊過 嘿嘿，好彩佢工作上得到調動，可以陪我去完成另外一個心願，就係到阿甘蝦餐廳 Bubba Gump，睇電視紀錄片《出位餐廳》，介紹喺外國嘅阿甘蝦餐廳，以電影《阿甘正傳》Forrest Gump為主題，我細個睇過一次呢部電影，到依家都印象深刻，今日終於有機會嚟到！以下我哋就一邊講電影，一邊講食物！《阿甘正傳》（英語：Forrest Gump）是一部改編自同名小說嘅電影，1994年由導演羅拔·澤米基斯拍成。電影開頭男主角向一對老夫婦，講述他由細以來的故事，並請佢哋食朱古力。他小時候係一位呆滯幼稚，身上着住老土嘅格仔恤衫，但他是個樂天小男孩，有著驚人嘅運動天賦。小時候的阿甘腿上綁着支架，用來矯正他的嚴重駝背，因為咁佢比其他同學欺負，返學第一天搭校車時，阿甘碰到女主角珍妮，兩人成了好朋友。一天，阿甘被學校惡霸欺負，珍妮對說"Just run"，阿甘
Run,Forrest,run!!I ran to get where I was going, I never thought it would take me anywhere. 冇想過用跑步，都可以去走遍世界。
生日最大嘅願望，我就想同最愛嘅一齊過 嘿嘿，
好彩佢工作上得到調動，可以陪我去完成另外一個心願，就係到阿甘蝦餐廳 Bubba Gump，睇電視紀錄片《出位餐廳》，介紹喺外國嘅阿甘蝦餐廳，以電影《阿甘正傳》Forrest Gump為主題，我細個睇過一次呢部電影，到依家都印象深刻，今日終於有機會嚟到！以下我哋就一邊講電影，一邊講食物！
《阿甘正傳》（英語：Forrest Gump）是一部改編自同名小說嘅電影，1994年由導演羅拔·澤米基斯拍成。電影開頭男主角向一對老夫婦，講述他由細以來的故事，並請佢哋食朱古力。他小時候係一位呆滯幼稚，身上着住老土嘅格仔恤衫，但他是個樂天小男孩，有著驚人嘅運動天賦。小時候的阿甘腿上綁着支架，用來矯正他的嚴重駝背，因為咁佢比其他同學欺負，返學第一天搭校車時，阿甘碰到女主角珍妮，兩人成了好朋友。一天，阿甘被學校惡霸欺負，珍妮對說"Just run"，阿甘一路走，腿上嘅支架就斷開，跑得快過騎單車小孩，這樣就發現自己可以跑得很快。
餐廳都算係太平山頂一個景點，行入餐廳，就感覺到店員都比較熱情，好歡迎適合進入，當我要影相，佢哋都會好好停下來，免得阻擋到鏡頭。餐廳環境都好大，有好多座位，亦分咗不同嘅場景，有好似屋裏面嘅卡位，上面有斜鈄屋頂，二人酒吧高枱，靠近落地玻璃嘅位置更加可以擁抱維港景色，無論日頭夜晚都會令食客着迷，牆壁上掛住大大小小嘅電影劇照，及拍電影時嘅服裝，食物小食價錢$150起，飲品餐牌用乒乓波板設計，阿甘正傳fans一定知點解啦！（下面有解釋），但沒有價錢，會令食客有所困惑。
我哋揀咗卡位坐，旁邊嘅燈飾，令我哋好似參加左嘉年華會咁，就算食客唔多，好似置係電影情節中，都會令人好興奮。食物都好適合一大班朋友一齊享用，我哋有點像一份小食拼盤、一個主菜及飲品，一路欣賞下環境食物就送到啦！
Aloha Lemonade之前睇過食評，知道點呢個飲品，就可以將個杯底返屋企，我梗係唔執輸都嗌一個，當係生日禮物送俾自己啦! 係檸檬梳打飲品，另外亦有車厘子味，味道就係簡簡單單，最得意係個杯，下面會着燈！買單時，店員會幫你洗乾淨個杯，你就可以拎佢一齊走啦。
Run Across America Sampler $176有五款小食嘅拼盤，當中有脆麥片炸蝦、灼凍蝦、吉列炸蝦、炸海鮮球及辣雞柳，用紙船載着，令我回想主角係船上跟好友對話，閒談期間咬了一口蘋果，就幫新公司定立了的"蘋果公司"，讓人人熟悉。
店員送上時，會令人好好奇，左右尋找著美食，先試脆麥片炸蝦炸皮太厚，食落有啲硬，加啲檸檬汁可減輕熱氣、灼凍蝦任何調味比較平淡，亦有一兩隻霉掉了、吉列炸蝦配埋番茄醬都唔差、炸海鮮球當中有一絲絲蟹肉，可配沙律醬、最後辣雞柳，調味方面我都好鍾意酸酸辣辣嘅味道，不過雞肉炸過後就比較乾身，當係分享小食，質素就平平勝在賣相吸引。
Run Across America Sampler
$176
146 views
0 likes
0 comments
阿甘憑藉跑步嘅速度贏得大學體育獎學金，亦加入全美大學美式足球明星隊，更被邀請約見美國總統約翰·甘迺迪，之後完成大學，畢業後就加入軍隊，認識到捕蝦世家出身的本傑明·「布巴」·巴佛德-布魯，係電影中一個重要嘅角色，電影中一幕，就係朋友一邊係軍隊宿舍中打掃，一邊向佢講用蝦可以做出黎嘅菜式，更成就到我而家身處嘅阿甘蝦餐廳。
其後，兩人被派往越南參戰，巡邏時比對方埋伏攻擊，阿甘救下四名戰友。從戰場中全身而退，阿甘成為英雄，返回美國時接受林登·約翰遜總統親手頒贈的榮譽勳章，當時更重遇珍妮，阿甘說我不是聰明人，但是我知道什麼是愛，I'm not a smart man,but I know what love is.
電影中，阿甘各種嘅經歷，都咁啱成為歷史中一個好重要嘅人物，從中鼓勵到別人，努力發掘自己嘅天賦，每個人都可以成功。引用電影金句：你必須盡力發揮上帝所賜與你的，You have to do the best what God gave you.
阿甘係休養期間，發現自己有打乒乓球的天賦，就在全國各地陸軍退伍軍人醫院中表演，最終代表美國赴中國參加友誼賽，成為了乒乓外交之後。阿甘退役後，用代言乒乓球拍的酬勞買了一艘捕蝦船，實現越南戰爭時他與好友布巴嘅約定，丹中尉也信守諾言，加入阿甘的行列，我相信係餐廳食到嘅，就係阿甘朋友創作出嘅菜式。阿甘係船上更為朋友投資嘅科技公司，改呢個名為蘋果公司，後來兩人都發了財。
後來，阿甘向珍妮求婚，遭到拒絕，阿甘心欲絕，決定去跑步並幾度橫越美國。這件事讓阿甘再度出名，每天都增加很多追隨者，有一天，阿甘結束漫長嘅三年馬拉松式長跑。回到家都收到珍妮嘅來信，之後大家團聚，珍妮更帶同阿甘的孩子一起，到阿拉巴馬州舉行婚禮。
Steamed Mussels $170白酒煮青口，用鐵鍋熱辣辣咁送上，鍋內嘅青口份量都好足夠，肉質唔會太熟，另外用大碗載着烹調青口嘅醬汁，當中有洋蔥及香草，及一條麵包，可以比食客沾啲醬汁再送入口，可惜麵包淋，還未入口就化開，欠缺口感，如果可以改變一下麵包嘅來貨或製造方法，相信會更加好吃。
Steamed Mussels
$170
123 views
0 likes
0 comments
For Birthday girl 生命就像一盒巧克力。你永遠也不會知道你將拿到什麼。Life was like a box of chocolates. You never know what you're gonna get. 只有係嘴裏才可以細味，它的口味。另外如果你到影碟店行行，搵下電影《阿甘正傳》嘅精裝電影盒，就會發現佢係同電影中嗰盒巧克力一模一樣！令到電影嘅Fans，可以一邊睇住，電影一邊攞住電影中主角手拎住嘅朱古力盒，作為一個擺設都十分特別。
給生日的食客，朱古力新地，係同店員講我自己生日送的，比親愛的還貼心 嘿嘿
朱古力新地
68 views
0 likes
0 comments
一套經典電影，就算只睇過一次，入到電影主題嘅餐廳，情節都會不停係腦海浮現，每一個細節都引起你嘅記憶！
大家到餐廳用膳嘅時候，店員會問你一啲關於電影嘅問題，如果有興趣到呢到食嘢，又睇晒上文，咁你就會識答店員嘅問題，可以得到免費汽水喔，祝大家好運！
平均消費$230/位，2位、1份小食 + 1份主菜 + 1杯飲品阿甘蝦餐廳 Bubba Gump
星期日至四: 11:00-23:00;
星期五,六及公眾假期前夕: 11:00-00:00
山頂山頂道128號凌霄閣3層304-305號舖
Tel: 2849 2867
Post
