萬波 (Closed)

呢杯嘅甜度同冰度係根據店家嘅建議去點嘅。類似係微糖少冰，如果想跟我飲的話就記得問返個店員佢地嘅建護甜度同冰度係咩喇。先講一下茶底係伯爵茶，味道都幾香濃唔會話比其他味道蓋過左。而個芝士奶蓋份量都唔少，有成三分之一杯咁多。柚子味都合理地濃，而且感覺幾清新，解左芝士奶蓋果隻膩。芝士味就唔算好出，咸味出啲，唔係好飲到芝士啦。整體黎講，我就認為呢個配答幾平衡，而且落足料去整，各方面都好滿意。而服務方面，落單嘅哥哥都幾有禮貌，而且仲比左啲suggestion比人。感覺都幾有心。幫襯嘅時候仲係開張無耐，希望呢份熱誠可以keep住。