第一時間只想到榮記車仔面～
午餐時間人來人往，流水席甘，有時要等一等位。
唔係榮車車仔面特別好食，只因記掛佢個靈魂辣醬🤣🤣🤣🤣🤣為左辣醬，可以不顧一切～
以我花心大蘿蔔的性格，每次必點4餸面，加我至愛的粗面/油面，一般我唔叫普通野，今次點了牛肚，墨魚頭，豬腩肉，鮮蝦雲吞，滿滿的肉～榮記野食在我角度唔係特別好，但勝在重口味，一定入味，唔會淡茂茂。配上靈魂辣醬，無得彈😋😋😋（個人覺得榮記辣醬比新記好食）
中肯講，榮記車仔面不是特別好食，舉例墨魚頭唔及同區輝記，真係贏係個靈魂辣醬度，連我唔食辣的同事都係必食之選，所以要加$3先食得，無左辣醬，相信人流會少好多。（沒有靈魂辣醬，起碼在銅鑼灣，榮記不會再是我首選）
