因為出名高質抵食
所以放假就帶男朋友嚟試下佢啦
星期日大概1點左右到 都要等4個字左右先可以座
等位途中無野做 就睇下餐牌揀定食咩啦
款式好多 筆者成日都好想試下啲熟食
不過最後都係會受唔住魚生嘅誘惑hahaha
✨前菜
前菜就無咩特別 都係一般日本餐廳會提供嘅野啦
✨赤海老什錦刺身御膳 $112
一隻蝦加五款魚生 全部都厚切好吸引
不過咁所有魚類都無乜鮮味 淨係得個厚字
味道上係令人有啲失望嘅
✨極上魚生丼御膳 $110
呢個鮮味度比刺生御膳好 不過份量就少啲
雖則比較上好 但鮮味度老實講都係不足
埋單$222 以呢個份量嚟講其實真係抵
不過抵還抵 都對個質素有要求
如果魚生啲鮮味再強啲就好喇
雖然有啲失望 但筆者下次都想試下佢啲熟食便當😉
