Video
Read full review
2021-11-10
5249 views
好味指數😋😋😋😋回頭指數 ⭐️⭐️開心指數🤗🤗🤗🥶🥶😡朋友gathering，因為有人試過呢間坐得幾舒服，就訂咗位！呢間店都幾旺，訂咗位都要等多20分鐘先入座，入座後2小時要交檯！先唔講D嘢好唔好食住，我哋響食咗1個鐘左右，完全冇提示下「被埋單」，我哋有問仲可唔可以落單，職員話可以，解釋因為埋單需時，都想我哋埋咗單先，咁我哋就照埋單啦！點知我哋過咗10分鐘想再落單，另一個職員話我哋已經埋咗單，再落單要重新計過醬料錢😡 仲要冇咩禮貌咁收返檯上面嘅所有menu！咁點解之前埋單嘅職員又話得？又點解完全冇提示last order？又點解食咗1個鐘已經「被埋單」？都唔想再講落去，又唔係任點任食，樣樣都係逐碟計，你唔俾我叫就算啦，連個天都叫我哋食少D！🥶但其實全程所有職員無論加湯、加鴨血豆腐、上菜都幾好禮貌，攪到我都唔知點評價呢度嘅服務，好似人格分裂咁🙈講返D嘢食啦…🍴雙人套餐（$698）🍴鴛鴦鍋我哋揀咗🍴台式麻辣鍋同🍴酸菜白肉鍋麻辣鍋唔算好辣，都唔算好麻，不過就幾香，就算落菜去煮都唔會覺得好辣，反而吸晒湯汁會好正！酸菜白肉鍋嚟到時有飲過D湯，個湯好濃郁，酸度適中，酸菜細細條幾好味，湯底似用豬骨熬。兩
回頭指數 ⭐️⭐️
開心指數🤗🤗🤗🥶🥶😡
朋友gathering，因為有人試過呢間坐得幾舒服，就訂咗位！呢間店都幾旺，訂咗位都要等多20分鐘先入座，入座後2小時要交檯！
先唔講D嘢好唔好食住，我哋響食咗1個鐘左右，完全冇提示下「被埋單」，我哋有問仲可唔可以落單，職員話可以，解釋因為埋單需時，都想我哋埋咗單先，咁我哋就照埋單啦！點知我哋過咗10分鐘想再落單，另一個職員話我哋已經埋咗單，再落單要重新計過醬料錢😡 仲要冇咩禮貌咁收返檯上面嘅所有menu！咁點解之前埋單嘅職員又話得？又點解完全冇提示last order？又點解食咗1個鐘已經「被埋單」？都唔想再講落去，又唔係任點任食，樣樣都係逐碟計，你唔俾我叫就算啦，連個天都叫我哋食少D！🥶
但其實全程所有職員無論加湯、加鴨血豆腐、上菜都幾好禮貌，攪到我都唔知點評價呢度嘅服務，好似人格分裂咁🙈
講返D嘢食啦…
🍴雙人套餐（$698）
🍴鴛鴦鍋
我哋揀咗🍴台式麻辣鍋同🍴酸菜白肉鍋
麻辣鍋唔算好辣，都唔算好麻，不過就幾香，就算落菜去煮都唔會覺得好辣，反而吸晒湯汁會好正！酸菜白肉鍋嚟到時有飲過D湯，個湯好濃郁，酸度適中，酸菜細細條幾好味，湯底似用豬骨熬。兩個湯底都會整到D肉好好味，基本上都唔使點用醬料！
🍴伊比亞黑豬肉
薄薄一片，面層大大塊，半肥瘦，肉質鬆化，下面嘅就比較碎同肥嘅部分佔4/5！
🍴企鵝丸
個樣好得意，響個鍋度有個大肚腩好似浮屍咁，其實佢係墨魚醬製嘅，彈牙但味道冇咩特別！
🍴美國特選級小牛排🍴鮑魚兩隻🍴萵筍🍴冬粉
正常發揮
另外再點咗…
🍴黑虎蝦蝦卷（$68）
呢個係即食嘅，炸到外面嘅腐皮香脆，入面嘅蝦膠都幾彈牙，好味！
🍴炸魚皮（$68）
好香脆鬆化，放落湯度5秒啱啱好！
🍴時蔬湊湊 - 大份（$138）
用一個長方形木盒裝住，款式多樣化，有蔬菜、菇類、蘿蔔、蓮藕、紫薯、粟米、雲耳，全部都好新鮮！
🍴美國特選級牛肩胛（$138）
都幾鮮嫩有肉味！
🍴大紅袍珍珠奶茶（$33）
叫咗半甜少冰，茶味香唔會嚡口，珍珠粒粒分明夠煙韌有咬口，唔錯！
亦都有職員不時攞住一小煲🍴鴨血豆腐問我哋要唔要加，放落台式麻辣鍋度再滾下就更加入味！
出面嘅自助醬料款式都幾多，有兩款前菜，一款係辣魚皮（煙韌口感），另一款似少少辣版嘅中華沙律，另外都有蜜瓜、西瓜、番茄仔同白飯！
中間有送咗一小杯🍴菠蘿桃味沙冰，飲到有菠蘿果肉，好香甜，都幾好味！最後有🍴梅子茶凍，茶凍係有少少苦甘味，唔太甜，茶凍入面唔太feel 到梅子味，粒梅係好爽，都幾酸，可以解膩～
如果撇開「被埋單」事件呢，其實湯底係高質嘅，食物質素同服務都唔錯嘅… 不過… 因為成個體驗太分裂，攪到我都唔識講會想再返嚟定唔返啦～🤨
Post
