一樂日本料理 (Closed)

對呢間餐廳既第一感覺唔錯，因為平時食放題下下寫紙仔會覺得好唔環保，呢度好好既進步係用電子落單，好環保，又可以睇返紀錄自己叫左咩食，幾方便！落完單上菜都幾快，平均五分鐘到就有！可點既食物同一般既放題差不多，但佢多左個熟食吧，有啲已經整好左既食物，例如今日有pizza，鵝肝同肉捲等。落完單可食住呢啲等。飲品櫃幾大既，仲有甜水同鮮炸橙汁。甜品有出名既雪糕、焦糖布甸、慕絲蛋糕同榴蓮雪條等！幾中意個韓國榴蓮雪條，好香，正！每人可選半只龍蝦，有唔同味道，我選左千島醬焗。千島醬酸酸地，好開胃，同龍蝦肉好夾！仲有一個獨特之處係呢度有既開生蠔食！每人每次限取兩只，幾肥美，好新鮮！炸軟殻蟹，多油左少少，但炸蒜蓉好香。左下係炸牛奶同香蕉！外脆內軟，第一次食炸香蕉，好好食！右下係鵝肝，煎到好香，同菠蘿食唔算好夾，但分開食兩樣都好味！刺身甜蝦好大只，同帶子都好爽，新鮮！蟹粥我見好多枱都有叫，就叫反碗啦！個石鍋好熱，所以啲粥上枱時都仲滾滾地。一不起只蟹，原來有成半只！同埋都幾大只，好好肉，肉質嫩滑！個粥好清甜，除左有蟹味外，仲有粟米同紫菜既香味！好好食既蟹粥！一間質素唔錯，可再去既放題餐廳！