YA鴨 (Closed)

好少去尖沙咀食飯，今次去開呢邊行街兼睇戲就見到有一間餐廳睇落幾唔錯，食完之後先發現原來係新餐廳嚟！但係質素又真係唔錯喎😍睇得出店主好用心烹調！🔸古法柱侯牛腩飯男朋友揀咗呢一個好入味嘅古法柱侯牛腩飯，牛腩返嚟講呢度都算整得唔錯，醬汁嘅味道甜甜地又濃郁，連埋啲飯撈埋一齊食，非常之開胃，男朋友食到成個飯都一粒米冇淨低。🔸牛三寶飯第一次食呢一個牛三寶飯，入面會有牛腩、金錢肚同埋潮汕牛丸，超級大愛佢哋嘅牛腩同埋金錢肚都煮到好入味好淋，當然仲有佢哋粒牛丸真係大大粒又彈牙，超級豐富！我仲見到佢哋有個麻辣金錢肚豬大腸飯，呢個飯其實都好吸引我，唯有下次再返嚟試吓🤩