家常便飯

Open Now

Now Closed

天盛呢間賣兩餸飯既外賣店開左一段時間都未試過，收工買外賣果陣就決定試下，35蚊有2款餸，3餸飯就41蚊，加野飲就4-6蚊，餸既種類都算ok多，大約十幾款。咁我就揀左平時都鍾意食既生炒骨同花生豬手，首先個量都算幾多，但個飯就好黏，痴笠笠（唔係汁多果隻，已經係食無汁果邊），少少濕，飯味都無乜，口感好差下。生炒骨就細細粒，唔知係咪炸過頭外皮就幾脆，但好乾好柴，雖然肉多過骨，但太柴了，酸甜汁又唔夠味，吞都有d難。花生豬手就大約3-4件，豬手係炆得好腍，同樣唔太夠味，可能調味比較輕手健康d掛。整體黎講我覺得係差，餸果度當我揀得唔好，但飯又黏又痴笠笠我接受唔到，成個飯我勉強食左大半已食唔落，雖然話35蚊唔方有咩高質素，但都叫有其他選擇，我應該唔會再買。