御泰坊-泰越菜 (Closed)

朋友聚會食晚飯，呢間餐廳開業多年一直full house，當日訂位已經滿座，要walk-in。職員話佢地有一半位會留俾walk-in客，五點半開始可以入座，幸好我當天可準時放工，早些安排座位。當天的朋友都不太能吃辣，所以食物選擇以少辣或無辣為主。軟殼蟹蘋果沙津：青蘋果酸酸地好開胃，而且軟殻蟹係我至愛，可惜軟殼蟹唔係即叫即炸，放了很久才上菜，放入口前已經淋掉，個菜因為隻蟹扣左分。越式粉皮包不過不失，熱辣辣上枱，內裡包有豬肉碎，上面舖有䓤同炸蒜。淋上少許醬汁，令人更期待下一道菜。明爐烏頭：每次食泰國菜我都忍唔住要點的一道菜，湯的酸度比正宗泰國菜館略淡，但魚湯好鮮甜，魚不是太多骨，很好味的一道菜，要記得把魚用湯煮一陣，魚肉吸收了湯的精華，更好吃。我連配菜都唔放過，酸菜同酸菇好開胃。馬拉盞通菜，呢間餐廳長期full house 係有原因。通菜好新鮮，味道調教得剛好，唔會太咸。唯一另人挑剔的係火喉唔夠。麵包咖哩雞，推薦的一道菜，因為造型得意，有麵包送咖喱食，唔洗另叫薄餅或法包，好抵，份量又十足，而且咖喱焗完好香，雞肉入味好淋。完全無諗過會咁surprise。不過喜歡辣咖喱的朋友不建議選擇，因為咖