未開鋪之前，我見到兩名店員不停咁搓牛肉球。其實呢度做嘅喺將搓圓咗嘅肉球再壓平嘅mash cheese burger，唔係sell爆汁嗰種。不過牛肉餅、芝士同炒得焦糖化嘅洋蔥，與質素幾高嘅麵包完美融合，相當唔錯。值得一提嘅有塊長長嘅生菜就幾乎放起包外面，好似被人遺棄咗咁，有啲怪。不過有塊菜清吓味蕾，都係好事嚟嘅。
跟餐配薯條同加錢由汽水轉咗杯Cappuccino，埋單合共$82，性價比算高囉。咖啡冇乜特別，至於有人話呢度嘅薯條超級好食，我覺得有少少overrated。薯條有類似shake shake薯條嘅調味，但我稍嫌質感過硬，但總算強過麥記嘅薯條。
