Verde MAR (Moved) New Location

happy hour有買一送一，又想食下墨西哥菜，見到呢間咁多好評就黎試下。由於買一送一只限bottled beer，幾款cocktail同幾款wine，我地就叫左Mimosa，即係橙汁加汽酒，叫做冇咁common。佢地用係有果肉既橙汁，所以口感好豐富，好飲。不過食物方便就較為失望。呢碟mexican wings，有3種辣度揀，我地揀左中辣，因為最辣係用habenero，我地都驚食唔到。呢碟野無論橫睇掂睇，都係清蒸雞翼，再加d水汪汪既sauce落去。雞翼本身冇味，好在個汁都算夠辣。另一款係肉碎芝士加nachos，由於本人係芝士怪，雖然唔大份，但都夠食同覺得都好食，只係當凍左時就變得太漏了。都要讚返既，waiter態度非常好，好有心機介紹比我地聽同解答我地既問題，而餐廳環境都非常清潔同舒服。