浪人日本料理 (Closed)

又係同班朋友食飯肥嘅好日子， 就算食物質素不算好，但一班人有傾有講都好開心，不過如果食物質素再好啲嘅話會更加開心！呢間放題冇朋友試過，一於試下先。食放題，相信大家都同意，最緊要刺身夠新鮮，第一盤order嘅刺身好好味、好正、又新鮮，可惜第二盤、第三盤都冇第一盤咁出色。 食完第一盤之後，成班朋友都想再嚟多次 encore， 可惜食完第二盤之後 ，大家已經打消咗呢個念頭 ，第二、三盤刺身質素 同一般放題嘅質素差唔多， 無驚喜 。串燒、熱食 都冇乜記憶點， 同其他放題質素差不多 。最驚喜 係佢有鵝肝壽司，味道還可以。