Arte by Padaria (Moved) New Location

藝術館K-11 Art Mall 越開越多法式甜點店，精緻程度可以用藝術品黎形容，令人賞心悅目🥰 而其中一間好吸引我眼球既就係Arte by Padaria✨未行近已經見到好多圓碌碌嘅波波，原來係法式可頌夾心球🌕 寫明全港首創，集鹹甜於一身，最特別嘅係有XO醬同鹹蛋黃味，對於我呢個鍾意「試伏」既人黎講真係好吸引🤣法式可頌夾心球內層係可可酥皮、中間係馬德蓮蛋糕同夾心餡料，共有三層口感。-✨XO醬可頌球 $36✨流心黑朱古力可頌球 $36建議焗返熱，口感更佳。XO醬口味幾創新，鹹鹹辣辣甜甜，而流心黑朱古力一向都係穩定之選！