FLIPPER'S (Closed)

今日星期五放假，雖然冇人陪但係一朝早就搭車去銅鑼灣為咗試呢個咁出名嘅pancake,上次12:30加1/10嚟有成2，30人排所以放棄咗，今次嚟到11:20，有10個人左右，前面排嘅仲係一對母子，媽媽已經有成八十歲，都特登嚟排隊試pancake！排咗唔到半個鐘就入到去，即刻岀去落order,順手𢲡埋杯水，呢度所有嘢都好自助，刀叉都放好係枱面個籃入面。我同剛才前面對母子坐埋同一張4人枱，仲有另一位小姐坐我隔離，其實旁邊另一張4人枱仲係吉嘅，但唔知點解冇安排人入座，同中村藤吉一樣🤔對面母子兩人share一份原味pancake,阿仔不停問好唔好食，婆婆就話好食！但係想唔想再嚟呀？唔想😂佢地切完嘅pancake我望咗眼，扁唒，呢個時候已經心知不妙，應該唔係我喜歡鬆軟得嚟並唔係只有空氣感，而係軟綿實在嘅質感，佢地五分鐘唔夠就解決咗pancake san,而我個份仲未到😅等咗十五分鐘左右我嘅雜莓pancake到喇！賣相真係一百分，但係切落去真係即刻扁咗，未至於好空氣，但亦不算綿密，好唔好食見人見志，睇下鐘意邊種口感。總的來說並不算差，有點失望可能只是因為期望太高。