是日我見到一張好靚的食品圖，係豆腐芝士蛋糕，寫明南Ｙ島必食美食，講到咁犀利，咪入去食啦。
室內裝飾很可愛，餐具絕美，食物賣相很講究還灑上了玫瑰花，但食物味道方面太走心了。打卡再靚，真的不能當飯食呀。
我彷如練了絕世武功一樣，輕輕一叉叉落去，那餅底馬上碎裂成千千萬萬顆碎粒粒，半粒半粉狀，成堆浮沙咁，貓沙都比佢粗！
那餅底吃上去又淋又軟似是放了三日三夜，其鬆散的程度可以令人知道佢落得唔夠料，密度太低，厚度也太薄，根本壓不實。好多人都很中意食餅底（包括我），一個好的餅底真係好重要，甚至可以救到／毀了成件CAKE的評價，店家唔應該忽視佢，求其整了就算。我見到果堆神沙時，真係好絕望，覺得倒錢落海。
完全零芝士味，大概是為了突出豆腐味掛，咁不如直接叫豆腐蛋糕算啦，唔好亂比個希望人，反正食唔出。
